Materi kelas VIII : Layang Pribadi

LAYANG PRIBADI

Pengertene Layang Pribadi : Layang pribadi yaiku layang kang isine ngenani kepentingan kang sipate pribadi utawa kaluwarga lan
ditulis saka pawongan siji kanggo wong liya.

Titikane layang pribadi :

1. Ora nganggo sesirahe layang
2. Ora nganggo nomere layang
3. Ngunakake basa kang ora baku

Basa kang dianggo ing layang pribadi : Basa kang dianggo sajrone nulis layang pribadi yaiku ora baku. Nanging basa sajrone nulis layang pribadi uga digatekake miturut marang sapa layang kasebut ditujokake. Yen layang pribadi mau katujokake marang wong tuwa mula basa kang dianggo yaiku krama. Yen layang pribadi mau katujokake marang kanca basa kang dianggo yaiku basa ngoko.

Perangane layang pribadi : 

1. Titi mangsa yaiku nyethakake wektu lan papan panulise layang
2. Adangiyah yaiku nyebutake marang sapa layang ditujokake
3. Salam pambuka yaiku isine nyebutahake salam
4. Purwaka basa yaiku sadurunge isine layang lumrahe isi atur pambagya wilujeng
5. Surasa basa yaiku isi layang kang dadi wigatine layang.
6. Wasana basa yaiku pungkasane layang.
7. Paprenahan yaiku nyethakake kang nggawe layang
8. Tapak asta lan jeneng yaiku kang nyethakake jenenge sing ngirim layang.

Carane nulis layang pribadi : 

1. Aturan kang ana sajrone layang pribadi ora resmi, yaiku ora nggawe sesirahe layang.
2. Basa kang dianggo sajrone nulis layang pribadi yaiku basa ora baku.
3. Ngatekake struktur panulisan layang pribadi

Supaya luwih jelas bisa ndeleng Video Pasinaon Basa Jawa ing Youtube.

Supaya luwih cetha, coba delengen video ing ngisor iki :