TULADHA TEKS DESKRIPTIF BASA JAWA

TULADHA TEKS DESKRIPTIF BASA JAWA

BASA JAWA

KUCINGKU

Jenenge kucing ku yaiku Bibi. Aku tresna banget karo kucing iki, Bibi iki kalebu kucing lanang sing biyen daktemokake ing pinggir rattan/dalan. Wulune Bibi alus lan wernane soklat belang putih. Wulu sing alus mau rata wiwit ndhase nganti buntute.

Kabeh wulune wernane cokls la nana putihe ing sikile. Saliyane iku warnane sing coklat nemsemake banget. Brengose Bibi ora dawa-dawa banget.

Sikile Bibi rada endheg dibandhingake karo kucing-kucing lumrahe. Irunge sing pesek lan brengos sing endheg nambahi lucune Bibi. Bibi iki nduweni Bobot 4 Kg, Mripate Bibi wernane ijo ana biru-birune. Ambane mripate Bibi nambahi lucu nalika kaget karo mendelik.

Bibi lebih menyukai tidur seharian di atas keranjang tempat tidurnya. Ketika tidur kenzi lebih suka di elus bagian punggungnya. Saat mengelus, dia memainkan ekornya ke kanan dan ke kiri.Sabendina Bibi iku senengane mung turon ing kranjang sing wis dicepakake. Nalika turu Bibi seneng banget nalika dielus-elus boyoke. Nalika dielus-elus buntute Bibi mesthi megal-megol.

Saben wetenge luwe Bibi mesthi mlayu menyang pawon njujug panggon mangane sing wis dicepakake.Nanging saben Bibi luwe mesthi mengang-mengong ora mandheg sadurunge diwenehi panganan. Bibi nelasngsa banget nalika keluwen nanging ora gage diwenehi mangan. Bibi minangka kucing sing ditresnani banget dening kulawargaku.

BAHASA INDONESIA

KUCINGKU

Namanya adalah Bibi, dia adalah kucing kesayanganku. Dia adalah kucing jantan yang saat itu aku temukan di pinggir jalan. Bibi memiliki bulu yang halus dan berwarna cokelat belang putih. Bulu halusnya menyelimuti tubuhnya dari kepala sampai ke ekornya.

Semua bulunya berwarna cokelat dan berwarna putih pada kakinya. Sedangkan ekornya berwarna cokelat dan sangat menggemaskan. Kumisnya sedang, tidak panjang dan tidak pendek.

Bibi memiliki bentuk kaki yang lebih pendek dari bentuk kaki kucing pada biasanya. Hidungnya kecil dan kumisnya sedikit panjang. Berat tubunya sedang yaitu sekitar 4 kg. Matanya berwarna hijau kekuningan dan sangat lucu ketika dia terkejut sambil membuka matanya lebar-lebar.Ketika lapar dia akan menuju ke tempat makan yang telah disediakan yang disimpan di dapur.

Saat lapar dia akan terus mengeong sampai dia mendapatkan makanannya. Dia akan memasang muka menyedihkan ketika tidak diberi makan. Kucing ini sangat lucu dan sangat disayangi keluarga kami

Read More

MATERI TEKS TANGGAPAN DESKRIPTIF BASA JAWA

TEKS TANGGAPAN DESKRIPTIF

APA TEGESE TEKS TANGGAPAN DESKRIFTIF?

Teks tanggapan dheskriptif yaiku teks kang nggambararake sawijining objek, panggonan, utawa prastawa tartamtu marang pamaca kanthi gamblang lan rinci saengga pamaca kaya-kaya bisa nyawang lan ngrasakake dhewe apa kang diandharake dening panulis.

(teks tanggapan dheskriptif adalah teks yang menggambarkan suatu objek, tempat, atau peristiwa tertentu kepada pembaca dengan jelas dan rinci, sehingga pembaca seperti bisa melihat dan merasakan sendiri apa yang dijelaskan penulis)

TUJUWAN TEKS TANGGAPAN DESKRIPTIF

Tujuan Teks tanggapan Dheskriptif yaiku Kanggo ngandharake obyek marang sing maca saengga wong-wong sing maca kaya-kaya melu ngrasakake, ngrungokake, ndeleng utawa ngalami tumrap apa sing wis didheskripsekake dening penulis.

(tujuan teks tanggapan yaitu untuk menjabarkan objek kepada pembaca sehingga orang yang membaca seperti ikut merasakan, mendengarkan, melihat atau mengalami terhadap apa yang sudah dideskripsikan oleh penulis.)

TITIKANE TEKS TANGGAPAN DESKRIPTIF

(Ciri-ciri teks tanggapan deskriptif)

1. Nggambarake panggonan, wong, barang, kahanan nganggo pancadriya.

(menggambarkan tempat, orang, barang, keadaan menggunakan panca indra)

2. Tujuane supaya wong sing maca kaya-kaya melu ngrasakake utawa ndeleng dhewe marang obyek sing didheskripsekne

(bertujuan agar orang yang membaca seperti merasakan atau melihat sendiri terhadap objek yang dideskripsikan)

3. Ciri-cirine obyek diterangake kanthi gamblang lan rinci.

(ciri-cri objek diterangkan sacara terbuka dan lebih terperinci)

STRUKTUR TEKS TANGGAPAN DESKRIPTIF

a. Idhentifikasi yaiku perangan utawa bagean sing nerangake titikan (ciri), barang, tandha lan sapanunggalane.

(idhentifikasi yaitu bagian yang menerangkan ciri-ciri, barang, tanda dan yang lainya)

b. Klasifikasi/dhefinisi yaiku perangan sing mantha-mantha manut jinis utawa klompoke

(klasifikasi/definisi yaitu bagian yang membagi menurut jinis atai kelompoknya)

c. Dheskripsi bagean yaiku perangan sing nerangake gegambaran sing luwih rinci.

(deskripsi bagian adalah bagian yang menjelaskan gambaran yang lebih rinci)

Read More

Pambarepe Pandhawa - Raden Puntadewa

Pambarepe Pandhawa - Raden Puntadewa

Prabu Puntadewa iku ratu ing Amarta (Ngamarta), Dasanamane : Prabu Yudhistira, Darmakusuma, Darmaputra, Darmawangsa, Darmaraja, Gunatalikrama, Sadha Dwijakangka, Sang Ajathasatru.

Garwane asma Dewi Drupadi, mbakyune dewi Wara Srikandhi, putrane Prabu Drupada saka Negara Pancala. Saka Sang Prameswari Dewi Drupadi iki, Prabu Puntadewa peputra kakung siji, kekasih Raden Pancawala.

Prabu Puntadewa ratu watak pandhita. Watake sabar lan ikhlas, lila donya lila ing pati. Apa bae barang darbeke, yen ana sing njaluk mesthi diparingake. Nadyan segenge pisan yen ana sing njaluk, mesthi dililakake. Sajake urip ora tau ngapusi (goroh) lan ora nate perang. Sanadyan dipeksa dening Prabu Kresna supaya kersa goroh kanggo kemenangane Pandhawa, nalikane Pandhita Drona jumeneng Mahasenapati ing perang Bharatayuda, Prabu Puntadewa tetep ora kersa. Prabu Puntadewa tetep ngendika jujur, “ingkang pejah Hesthitama”. Mung olehe ngendika “Hesthi” lirih, “Tama”ne banter. Satemah dadi jalaran Pandhita Drona bingung, lan bisa dipateni dening Raden Trusthajumena. Amarga saking banget ngati –atine, ora kersa gawe seriking liyan, lan ora kersa goroh, mula Prabu Puntadewa digambarake wong sing ludirane seta. Saking sucine uripe.

Pusakane Prabu Puntadewa wujud kitab/buku, jenenge Layang Kalimasada Pustaka Jamus. Prabu Salya klakon seda ing paprangan merga pusaka iki. Kejaba iku, pusaka liyane wujud tumbak lan payung, jenenge tumbak Karawilang lan payung Tunggulnaga.

Prabu Puntadewa iku ajejalok Yudistira iya prabu Dwijakangka utawa sinebut uga Prabu Gunatalikrama.

Prabu Puntadewa kagungan pusaka arane jimat kalimasada. Prabu Puntadewa kena diarani manungsa setengah dewa. Geneya Prabu Puntadewa diarani setengah dewa amarga Prabu Puntadewa kagungan ciri-ciri kaya Dewa, kayata Getihe putih, Sipate sabar, ora kagungan mungsuh, lan tansah tresna marang karukunan.

Prabu Puntadewa iku garwane Dewi Drupadi, kagungan putra iku asmane Raden Pancawala. Prabu Puntadewa iku putrane Prabu Pandhu Dewanata lan Dewi Kunthi Nakibrata.

Prabu Puntadewa iku ratu ing Amarta kang sabar lan mboten seneng perang. Nalika perang gedhe Bratayuda, Prabu Puntadewa dipekso mandeg Senopati tanding karo Prabu Salya saka Mandukara. Prabu Salya gugur, Prabu Puntadewa kang unggul

Raden puntadewa inggih menika peranganing pandhawa ingkang sepuh piyambak. Putra Prabu Pandhu. Narendra ing ngastina. Piyambakan kawentar minangka putra ingkang saleh, jujur, sabar, tata krami, lila sregep, saha mituhu. Seserepan ingkang dipuntamekaken prekawis agami. Pramila ingkang dipunremeni prekawis kesaenan, kajujuran, sarta lila legawa. Minangka putra pambarep Pandhawa tansah bekti kaliyan tiyang sepuh sarta sanget asihipun dhumateng para rayi piyambakipun tansah momong para rayi kanthi raos asih. Pramila Raden Puntadewa tansah dipuntresnani kaliyan para sesepuh, dipunajeni kaliyan para rencang, saha dipunbekteni dening para ingkang anem. Awak-awakipun kuning gumrining, dedeg lencir, saha ukuranipun tanggung. Pasuryanipun bagus ules pethak mratandhani sucining manah.

Busana saha rerenggan ingkang dipunagem wujud gelung keeling. Sumping waderan, kalungmenggah, kelatbau nagamangsa, gelangkana ganda, ali-ali gunung sepikul, kampuh bathik limar lapis, kroncong ngrangenan.

Sumber : caritawayang.blogspot.com

Read More

Wuragile Pandhawa - Raden Sadewa

Wuragile Pandhawa - Raden Sadewa

Raden Sadewa (Sahadewa) putrane Prabu Pandhu lan Dewi Madrim. Satriya wuragile Pandhawa. Kembarane Raden Sadewa asmane Raden Nakula. Wujude Nakula lan Sadewa kembar, kembar rupa, swara, lan busana.

Nalika timure, Raden Sadewa kekasih Raden Tangsen, kasatriyane Sadewa ing Baweratalun (Bumiretawu).

Sedulure beda ibu ana telu, yaiku : 1. Prabu Puntadewa, 2. Raden Wrekudara, 3. Raden Janaka. Puntadewa, Wrekudara, Janaka, Nakula, lan Sadewa, sinebut kadang Pandhawa, saka tembung linggane Pandhu lan hawa tegese putra Pandhu.

Raden Sadewa titising bhatara Aswin, dewa tabib. Wiwit cilik digulawenthah dening Dewi Kunthi. Wujude Raden Sadewa satriya bagus, mbranyak pasemone. Watake jujur lan bekti marang sedulur tuwa.

Ing lakon Babad Alas Mretani, Raden Tangsen bisa ngasorake yudane Jim Sadewa (riwayat liya sinebut Ditya Sapulebu), satemah Jim Sadewa mau masrahake kasatriyane, yaiku Baweratalun lan paring Aji Pramanajati kang dayane bisa ngerti sadurunge winarah.

Kanthi dayane Aji Pramanajati, Raden Sadewa bisa mbatang sayembara cangkriman “sejatining lanang, sejatining wadon”. Banjur didhaupake klawan Dewi Srengginiwati, putrane Prabu Bhadawanganala, ratu ing gisik samudra. Sabanjure peputra Sidapeksa.

Ing lakon Sudamala, Raden Sadewa sing ragane kapanjingan Bathara Guru, bisa ngruwat Bathari Durga. Sang Bathari banget panarimane marang Raden Sadewa. Dening Sang Bethari Raden Sadewa pinaringan asma “Sudamala” tegese ngresikake rereged. Sarta kadhawuhan nggarwa Dewi Padapa, anake Begawan Tambrapetra ing padhepokan Prangalas.

Sumber : caritawayang.blogspot.com

Read More

Pandhawa nomer papat - Raden Nakula

Pandhawa nomer papat - Raden Nakula

Raden Nakula putrane Prabu Pandhu lan Dewi Madrim. Satriya sumendhining Pandhawa (kakang ragil). Kagungan rayi siji tunggal rama ibu, kekasihe Raden Sadewa. Wujude Nakula lan Sadewa, kembar. Kembar rupa, swara, lan busana.

Nalika timure, Raden Nakula kekasih Raden Pinten, dene Raden Sadewa kekasih Raden Tangsen. Kasatriyane Raden Nakula ing Sawojajar.

Sedulure beda ibu ana telu, yaiku : 1. Prabu Puntadewa, 2. Raden Wrekudara, 3. Raden Janaka. Puntadewa, Wrekudara, Janaka, Nakula, lan Sadewa, sinebut kadang Pandhawa, saka tembung linggane Pandhu lan hawa tegese putra Pandhu.

Manut layang Purwacarita, garwane Raden Nakula sesilih Dewi Srengganawati, putrane Sang Hyang Badhawanganala. Karo Dewi Srengganawati iki, Raden Nakula peputra siji sesilih Dewi Sri Tanjung.

Manut layang Pustaja Raja, garwane Raden Nakula sesilih Dewi Suyati, putrane Prabu Kridhakerata, ratu ing Awuawulangit. Nakula klakon nggarwa Dewi Suyati sawise bisa ngalahake Indrakesata. Karo Dewi Suyati iki, Raden Nakula peputra loro, yaiku: Raden Pramusinta lan Dewi Pramuwati.

Wujude Raden Nakula satriya bagus, mbranyak pasemone. Watake jujur lan bekti marang sedulur tuwa.

Ngarepake pungkase perang Bharatayuda, Raden Nakula lan Sadewa disraya dening Prabu Kresna supaya sowan ing ngarsane Prabu salya (uwake / pakdhene) kanthi ngliga keris, pasrah pati urip. Dhawuh iki ditindakake, satemah Prabu Salya mblakakake isen – isening atine lan nyuwun tandhing mungsuh Prabu Puntadewa. Satemah dadi srana menange Bharatayuda tumrap Pandhawa.

2)*

Nakula iku sawijining paraga Mahabharata. Nakula artine ‘’bisa nguwasabi awake dhewe’’. Ing pedhalangan, nalika isih enom Nakula nganggo jeneng Pinten. Pinten iku sejatine jeneng tanduran kang godhonge bisa kanggo obat. Kaya jenenge, Nakula lantip ing obat-obatan amarga tinitisan Batara Aswi , dewane tabib. Satriya iki salah sijine Pandhawa lan nduwe kembaran kang jenenge Sadewa. Beda karo Yudhistira, Werkudara, lan Janaka, Nakula lan Sadewa iki lair seka Dewi Madrim. Nalika Pandhu palastra, Dewi Madrim bela pati lan kembar iki lair seka wetenge kang suwek dening keris.

Raden Nakula kuwi satriya kembar kemanikan. Sedulur kembare aran Raden Sadewa iya Sahadewa. Sekarone putrane nata ing Astina, Prabu Pandhudewanata, lan mijil saka garwa Dewi Madrim, kadang enome Raden narasoma iya Prabu Salya nata ing Mandaraka.Ing Mahabharata, Nakula artine ‘’bisa nguwasabi awake dhewe’’. Ing pedhalangan, nalika isih padha cilik-cilik, Nakula kuwi arane Pinten, lan kembarane Sadewa aran Tangsen. Pinten iku sejatine jeneng tandhuran kanmg godhonge bisa kanggo obat, Kaya jenenge, Nakula lan sadewa lantip ing babagan obat-obatan amraga satriya sakloron kuwi titise dewa kembar, Bathara Aswan lan Aswin, dewane tabib. Satriya sakembaran iku klebu sedulur nunggal rama seje ibu yen karo Prabu Puntadewa, Werkudara lan Arjuna. Lan satriya lima kasebut kawentar kanthi aran Pandhawa. Kekarone setya lan bekti banget marang para kadhang sepuhe, senadyan seje ibu. Prabu Puntadewa, Werkudara, lan Arjuna mijil saka ibu Dewi Kunthi.

Sumber : caritawayang.blogspot.com

Read More

Panenggake Pandhawa - Raden Werkudara

Panenggake Pandhawa - Raden Werkudara

Raden Werkudara duwe pusaka aran Kuku Pancanaka, Gada Rujakpala, Ian Gada Lambita¬muka. Aji-ajine Bandung Bandawasa, Ungkal bener, Blabag Pengantol-antol, Bayu Bajra.

Kacarita laire Bratasena. Nalika bayi lair awujud bungkus. Kabeh gegaman ora tumama. Kang bisa mbedhah bungkus mung Gajah Sena. Bareng wis bedhah, bayi diidak-idak, ditlale, digadhing malah saya gedhe. Gajah Sena ditamani kuku Pancanaka, mati sanalika. Suksmane nyawiji karo Bratasena.

Bratasena utawa Werkudara iku ora bisa basa marang sapa wae. Dadi yen micara tansah ngoko. Sing dibasani mung Sanghyang Wenang lan Dewa Ruci. Sanajan mangkono Werkudara duwe watak setya tuhu marang guru, bekti marang ibu, teguh ing janji, bela bebener, mbrastha angkara, dhemen tetulung, tresna marang kadang, adil. Watak setya marang guru, dituduhake nalika dheweke diutus dening gurune Pendhita Durna goleh banyu Perwitasari ing tengah alas ing telenging segara. Kang sajatine Werkudara dialap patine, dijlomprongake. Nanging amarga setya bekti marang guru. Werkudara malah antuk nugraha, bisa ketemu marang guru sejati (Dewa Ruci), kang mahanani Werkudara bisa pinter tanpa guru maneh.

Tandha bektine marang ibune dibuktekake, kanthi merjaya Dursasana, getihe kanggo jamas rikmane Kunthi lan sirahe kanggo keset dening Dewi Kunthi. Tresna marang kadang, kabeh kadange tansah dibela lamun nuhoni bebener. Nanging yen luput, sanadyanta anake dhewe bakal diajar, kaya nalika Gathutkaca maling Pregiwa. Jebule Gathutkaca mung dipaeka sebab sing maling Gathutkaca palsu. Dhemen tetulung upamane nulungi Ratu Wiratha (Prabu Matswapati).

Ing perang Bratayuda Werkudara dadi agul-aguling Pandhawa. Werkudara kang bisa mateni Dursasana, Sengkuni lan Duryudana. Sawise perang Bharatayuda, Parikesit wis jumeneng nata, bebarengan marang sedulur Pandhawa wis jumeneng nata, bebarengan marang sedulur Pandhawa liyane, ninggalake praja. Werkudara tiwas sumusul Sadewa, Nakula, lan Harjuna. Werkudara tiwas angka papat amarga nalika uripe seneng mangan, rada kasar, lan ora bisa basa.

Wosing budi pekerti:

1. Duwea watak satriyatama: luhur ing budi, seneng tetulung, adil, wani ing bebener, mbrastha angkara murka!

2. Bektia marang wong tuwa, luwih-luwih marang ibu!

3. Bektia marang guru!

4. Tresna asih marang sedulur.

5. Darbea jiwa satriya kang dadi bentenging negara!

Sumber : caritawayang.blogspot.com

Read More

Panengahe Pandhawa - Raden Janaka

Panengahe Pandhawa - Raden Janaka

Ing jagad ora ana tandhingane bab kebagusane, amarga Janaka minangka simbol amal becik. Amal becik ora bisa pisah klawan swarga (Jannah). Janaka saka tembung jannahuka, tegese swargamu. Mula sapa sing kepengin mlebu swarga, kudu tumindak becik lan nindakake tuntunaning agama kanthi temen. Raden Janakan duweni jeneng liya yaiku Permadi, Arjuna, Ciptaning, Mintaraga.

Raden Janaka minangka panengahe pandhawa, tegese yaiku putra kang nomer telu saka limang sedulure pandhawa. Janaka putrane Pandhudewanata karo garwane Dewi Kunthi.

Arjuna satriya digdaya sekti mandraguna, polatan luruh jatmika, prigel ing samubarang, seneng tetulung marang sapa bae, mula ditresnani dening sapa bae. Ora mokal yen garwane pirang – pirang. Bojo akeh iki tegese Janaka ditresnani dening sapa bae. Yen priya ngondhangake kasudibyane, yen wanita ngondhangake sigiting citra.

Arjuna kejaba sugih bojo, uga sugih kawruh (ilmu), sugih gaman lan mantran, sugih guru. Meguru marang Begawan Padmanaba antuk aji telung warna, yaiku : 1. Aji Sepiangin, dayane aji yen kawateg, kebating lakune Arjuna tan prabeda kaya kebating angin. Lakune bisa ngungkuli lakuning barat, 2. Aji Malayabumi, Arjuna bisa ilang sapalungguhan, 3. Aji Sempaliputri, Arjuna bisa manijing ajur ajer.

Pusakane utawa gamane janaka pirang – pirang. Kang asring digunakake : Keris Pulanggeni, Kalanadhah, Panah Merdaging, Rodha Dhadhali, Haryas Sangkala, Sarutama, Pasopati.

Sumber : caritawayang.blogspot.com

Read More

Materi Artikel mawa Basa Jawa (SMA Kelas X)

Materi Artikel Basa Jawa

Teges Artikel

Artikel iku ditulis kanggo medharake panemune sawijine penulis adhedasar sawijine fakta/data panemune wong liya miturut logika-ne dhewa. Artikel iku isine opini kang ngonceki kanthi tuntas sawijine masalah tartamtu kang sipate aktual lan utawa kontoversial kanthi ancas menehi ngerti (infomatif), mengaruhi, lan (persuasif argumentatif), utawa nglipur kang maca (rekreatif)

Stuktur artikel

Kanthi umum struktur utawa perangan kang diduweni artikel yaiku:

- Irah-irahan

- Paragraf pambuka

- Paragraf isi

- Paragraf panutup

Bab kang wigati jrone panulisae artikel

1. nemtokake/milih tema

2. nemtokake irah-irahan, aja nganti kedawan cukup 3-5 tembung (bisa uga ditemtokake keri)

3. gawe alinea sepisan

4. ngrembakake tema dadi pirang-pirang alinea andharan (alinea penjelas gumatung dawa cendhake tulisan)

5. gatekna format/gaya penulisan (ilmiah utawa populer)

6. eksploitasi data/referensi penting

7. duduten panemu jrone alinea panutup

8. edit maneh draf wiwitan (judul bisa uga ditemtokane wektu iki)

9. draf pungkasan artikel

Jinis Artikel

Kanthi umum artikel iku bisa dibedakake dadi 2, yaiku artikel ilmiah lan populer. Tembung ilmiah nduweni teges yaiku miturut ilmu pengetahuan; adhedhasar syarat (kaidah) ilmu pengetahuan. Dene populer nduweni teges yaiku dikenal lan disenengi wong akeh (umum); miturut kebutuhan masyarakat umum; gampang dimangerteni lan disenengi wong akeh.

Artikel ilmiah iku asipat empirik, yaiku adhedhasar asil panliten kang ditindakake. Artikel iki ora dimot ing sawernane media masa, amung ing media kusus kaya ta jurnal kampus. Tuladhane yaiku laporan asil panliten, jurnal, makalah. Artikel populer akeh dimot ing sawernane media masa, bisa cetak utawa elektronik. Kanggo nemokake artikel iki luwih gampang. Ing ngisor iki ana tuladha pethikan jurnal, mangga diwaos.

Tuladha Artikel Basa Jawa

Kabudayan Jawa Bisa Gripis Alon-Alon

Beteng bakuh kukuh sarta pengkuh kang asring ngupeng omah gedhong magrong-magrong iku mung dumadi saka tharik-tharike bata, tumatane watu-watu. Utawa malah mung saderma tumpukane brangkal. Iku mung wewujudane, bleger (fisik), mung barang bisu, wewagunan. Nanging beteng mau bisa uga minangka pratandha, lambang sanepa, panyaruwe, dimeling marang fenomena jaman. Beteng iku bisa dadi penagamn kang diakone bisa nuwuhake ketentreman kupengan beteng mau. Wewujudan utawa anane beteng tumprap omah utawa gedhong-gedhong kang mapan ana ing kutha-kutha gedhe iku wis akeh cacahe. Lumrah-lumrah wae ora nistha, ora ala.

Nanging yen kita kabeh gelem blaka, jujur, lugu, lan walaka, saktemene meh kabeh omah utawa gedhung mligine kang mapan ing kutha-kutha gedhe, mawa beteng dhewe-dhewe. Apa maneh tumrap panguripan kutha gedhe kang wis manut cara modhern. Cara jaman saiki kang wis pluralis, maneka werna lan rasa. Embuh iku omah (gedhong magrong-magrong). Embuh kang biasa-biasa wae, embuh tumrap omah kang sumpeng-rumpeg, cilik-cilik.

Kabeh yen digrayangi kanthi rasa, satemene kabeh wis ora akeh kang nganggo beteng, senajan ora ana wewujudane, ora ana barang lan bangunan fisike. Kahanan kang kaya mengkono iku satemene wis bida rasakake. Wis bisa kathitik. Utawa mung kandheg ing pangangen-angen. Jalaran panguripane mangunsa ing tengah-tengah kahanan kang majemuk mau pancen kapara dadi “elu, elu, gue”. Manungsa siji lan sijine wis padha iwut mikirake awake dhewe-dhewe (luwih dhisik). Sabanjure lagi mikirake kulawarga, banjur familine, margane. Sateruse lagi tangga, bebrayan ing masyarakat.

Pakulinan sanjan-sinajan, kaya-kaya mung tansah eman bakal ngilangi wektu utawa kalodhangan kang dianggep luwih wigati. Wigati tumprap pribadi, utawa kulawarga. Yen ora kaoyak pakaryan kanggo golek kabutuhan, yen bengi wis rumangsa sayah, butuh ngaso, butuh kumpul karo kulawarga.

Mula sanajan, jagong jinagong ing tengah-tengahe masyarakat plural mau banjur kaya-kaya wis dianggep bakal mbuwang-mbuwang wektu wae, dianggep ngrugekake. Banjur sanjan-sinajan, jagong-jinagong kanthi gayeng sajake pancen diendhani. Iki sajake dadi fenomena ing jaman saiki. Nanging, mesthi wae isih arang kang gelem ngakoni, kapara malah kipa-kipa yen diarani kaya mengkono.

Saupama kanyatan kaya mengkono mau pancen ora dianggep kliru, kapara luwih seneng ndekem angkrem nggedhegrek-magrok ing omah wae, ketimbang mlebu sanjan-sinanjan. Sapa sing aruh ing jaman kang wis sarwa kongkuren, jor-joran, sekongkol-sekongkolan iku kaya-kaya malah sansaya krasa ampang. Mung dadi kembang-kembang lambe kang satemene. Supaya isih dianggep grapyak semanak. Anane sanjan-sinajan ing tengah-tengahe masyarakat plural dadi mung saderma wungkus, saderma gebyar njaba. Mung wadhah kang kala-kala merbawani dideleng saka njaba. Nanging hakikate, niyate, isine, krentege ati kang paling jero kala-kala isih ngambang. Durung mandhes.

Read More

Gladhen Soal Basa Jawa kelas X (SMA) materi Artikel

Gladhen Soal Basa Jawa kelas X materi Artikel

1. Jinise karangan ana 5 yaiku....

a. narasi, dheskripsi, geguritan, argumentasi, lan persuasi

b. narasi, dheskripsi, eksposisi, argumentasi, lan persuasi

c. narasi, nasihat, crita, petuah, lan eksposisi

d. narasi, dheskripsi, eksposisi, argumentasi, lan legendha 

e. eksposisi, legendha, mitos, narasi, persuasi

a. Fiksi

b. Non fiksi

c. Rekan

d. Imajinatif

e. khayalan

3. Perangan ing ngisor iki sing ora kalebu strukture artikel yaiku...

a. Pada pambuka

b. Pada isi

c. Pada jangkepan

d. Irah-irahan

e. Salam

 

4. Bab kang diandharake sajrone artikel yaiku bab kang gegayutan karo....

a. Crita rakyat

b. Crita fiksi/imajinatif

c. Crita Kanyatan/ fakta

d. Crita carangan

e. Crita mitos

 

5. Reriptan ing ngisor iki kang kalebu artikel yaiku....

a. Pawarta

b. Fabel

c. Crita babad

d. Ramalan

e. Primbon

 

6. Karangan narasi nduweni teges....

a. Karangan kang isine menehi gambaran kahanan samubarang.

b. Karangan kang isine menehi katrangan salah sijine masalah.

c. Karangan kang nyritakake samubarang kanthi runtut. 

d. Karangan kang tujuwane mbuktekake samubarang kanthi menehi argumen.

e. Karangan kang ngrembug khayalane crita

7. Karangan kang tujuwane mbuktekake samubarang kanthi menehi argumen minangka tandha bukti saengga sing padha maca ngakoni yen samubarang mau bener kaya sing dikandhakake. Katrangan kasebut kalebu tegese karangan....

a. narasi

b. dheskripsi

c. persuasi

d. argumentasi

e. eksposisi

a. Irah-irahan
b. Pada pamungkas
c. Pada isi/panjelas
d. Pada panutup/dudutan
e. Pada panutup

a. Kanggo hiburan
b. Kanggo seneng-seneng
c. Menehi informasi utawa katrangan ngenani sawijine bab
d. Kanggo sarana medharake imajinasi
e. Kanggo gegojegan

10. 

Mula saiki ayo padha mbrantas lan nyegah nyamuk demam berdarah kanthi njaga reresikan. Sabab penyakit demam berdarah iki bisa nuwuhake bebaya kang gedhe. Akeh wong gedhe-cilik padha ninggal donya amarga iki. Gatekna unen-unen iki. “Luwih becik nyegah, tinimbang ngobati”.

Saka wacan kasebut ana unen-unen “luwih becik nyegah, tinimbang ngobati”, unen-unen kasebut nduweni teges....

a. Nduwe luwih apik tinimbang ora nduwe.
b. Luwih apik nduwe obat timbang ora lara.
c. Luwih becik mangan timbang luwe.
d. Nyegah luwih apik timbang nambani. 

e. Nyegah ora apik, luwih apik ditambani

Read More

Materi Tata Tulis Aksara Swara

Materi Tata Tulis Aksara Swara

Aksara Swara beda karo aksara murda. Aksara murda kanggo nulis pakurmatan yaiku nulis jeneng pawongan, nulis papan panggonan (desa, kutha, kantor), nulis gelar pakurmatan. Aksara swara dienggo nulis vokal (a,i,u,e,o) saka basa manca sing kudu dicethakake. Basa Jawa kadhangkala uga ngadhopsi basa manca/luar negri. tuladhane kaya basa arab lan basa inggris. Kanggo mbedakake basa serapan saka manca mula perlu ditulis nganggo aksara swara kang cacahe ana lima.

Cacahe aksara swara ana 5 yaiku :

Gunane aksara swara kanggo nulis tembung manca kang dicethakake, kayata:

Aksara swara ora kena dadi pasangan. Manawa dumunung ing samburine wanda sigeg, aksara sesigeging wanda iku kudu dipangku. Tuladhane:

Aksara swara iku ora kena ditrapi sandhangan swara. Tuladhane:

Read More

Materi tata tulis Aksara Murda

 Aksara Murda lan Aksara Swara

Nulis ukara migunakake aksara Jawa kuwi pancen gampang-gampang angel, gampang yen wis ngerti tata cara lan pepeling-pepeling kang kudu digatekake, angel yen durung ngerti lan durung paham ngenani tata cara lan pepeling jrone nulis aksara jawa.

Dene pepeling kang kudu digatekake ing antarane:

1. Saben nulis ukara kudu diwiwiti nganggo pada adeg-adeg (?) lan dipungkasi nganggo pada lingsa utawa lungsi (,utawa.). Pada lingsa (,) dienggo nalika mungkasi ukara kang mawa pangkon dene pada lungsi (.) dienggo nalika mungkasi ukara kang ora migunakake pangkon.Pada lingsa uga kanggo tandha koma.
   
   
   

Aksara Murda

Murda= sirah

Aksara Murda = aksara sirah, aksara sesirah

Aksara Murda iku satemene ora ana.Wondene kang lumrahe diarani aksara murda iku, utawa kang dianggep minangka aksara murda iku sejatine aksara Mahaprana, yaiku aksara kang pancene kudu diucapake kanthi abab akeh; kosok baline aksara alprapana, yaiku aksara kang diucapake lumrah (kanthi abab saithik). Cacahe aksara murda ana wolu, yaiku:

Aksara murda mung kanggo ing tata-prungu, tegese kanggo pakurmatan. Aksara murda ora kena dadi sesigeging wanda. Ing jaman biyen kang lumrah ditulis nganggo aksara murda yaiku asmane para luhur, jejuluke lan padununge, minangka pakurmatan. 

Tuladhane kayata:

Dewi Sinta putrine prabu Janaka ratu nagara Mantili.

Saiki jaman demokrasi, prayogane kabeh jenenge wong lan jenenge titah kang tata carane urip kaya manungsa, kayata raseksa, wanara, lan sapanunggalane kang kasebut ing carita padhalangan lan liya-liyane, katulis nganggo aksara murda. Cukup nganggo aksara murda siji wae, aksara kang ngarep dhewe. Yen aksara sing ngarep dhewe ora ana murdane, ya aksara mburine, yen mburine ora ana ya mburine maneh. Tuladhane:

Read More

GLADHEN SOAL BASA JAWA PENILAIAN TENGAH SEMESTER GENAP KELAS 8

GLADHEN SOAL BASA JAWA PENILAIAN TENGAH SEMESTER GENAP KELAS 8

Wacanen kanthi patitis pitakon-pitakon ing ngisor iki, banjur wangsulana kanthi milih salah siji wangsulan sing paling bener !

1. Salah sijine alat / piranti kanggo ngungkapake kekarepan ati kanthi cara ditulis diarani :

a. geguritan

b. tembang macapat

c. cerkak

d. layang

2. Layang kang isine cekak/ ringkes lan ditulis ing dluwang lan kudu ditengeri diarani layang :

a. iber-iber

b. ulem

c. kitir

d. Paturan

3. Tuladhane layang kitir yaiku …..

a. undangan manten

b. surat perintah

c. resep dokter

d. undangan sunatan

4. Layang lkang isine undhangan pawongan kang lagi arep duwe gawe diarani layang …..

a. iber-iber

b. dhawuh

c. ulem

d. paturan

5. Tuladhane layang dhawuh yaiku …..

a. surat perintah

b.undangan manten

c. resep dokter

d. nota

6. Tuladhane layang ulem yaiku …..

a. nota

b. surat perintah

c. resep dokter

d. undangan manten

7. Perangan layang kang mratelake marang sapa layang ditujokake utawa isi tujuan layang kang ditulis /dikirimakediarani …..

a. titi mangsa

b. adangiyah

c. satata basa

d. paprenah

8. Perangane layang sing mratelake ing ngendi lan kapan layang kasebut ditulis / digawediarani …..

a. titi mangsa

b. adangiyah

c. satata basa

d. surasa basa

9. Gatekna tuladha ing ngisor iki :

Katur

Mbak Erna

Ing ndalem

Mbak , ngapunten aku sore iki during bisa mbalekake buku amarga awaku lag lungkrah amarga mau kudanan, Insya Allah sesuk awan tak ampirke.

Malang, 20 Nopember 2014

Santi

Tuladha layang ing dhuwur kalebu jenise layang …….

a. iber-iber

b. ulem

c. kitir

d. Paturan

10. Gatekna tuladha ing ngisor iki :

Kanthi serat punika kula ngaturi pirsa bilih kawontenan kula ing Malang , tansah pinaringan rahayu wilujeng ing pangayomanipun Gusti ingkang Maha Kuwaos, Ingkang kulasuwun mugi - mugi kawontena bapak dalah ibu saha kaluwarga ing Kediri semanten ugi.

Tuladha perangane layang ing dhuwur kalebu perangan …..

a. titi mangsa

b. adangiyah

c. purwaka basa/pambuka

d. paprenah

11. Gatekna tuladha ing ngisor iki :

Wusana cekap semanten atur kula, mboten kesupen kula nyuwun pangestunipun badhe UAS bilih wonten kirang langkungipun atur, kula nyuwun lumuturing sih samudra pangaksami.

Tuladha perangane layang ing dhuwur kalebu perangan :

a. wasana basa /panutup

b. adangiyah

c. paprenah

d. titi mangsa

12. Gatekna pethikan layang ing ngisor iki :

Ngenani suratmu wis dak tampa wingi sore ibu wis transfer Rp. 175.000 kanggo mbayar kegiatanmu lan kanggo tambahan sangu mulih. Ibu mung pesen mengko yen wis rampung kegitanmu banjur prei sekolah kowe enggal balia amarga bapak ibu lan kaluarga ing Kediri padha kangen. Lan ati – ati aja sembrana.

Pethikan perangane layang ing dhuwur kalebu perangan :

a.titi mangsa

b. adangiyah

c. paprenah

d. surasa basa

13. Tembang macapat sing duwe watak seneng lan tresna asih yaiku…

a. Kinanthi

b. Pangkur

c. Asmaradana

d. Dhandhanggula

14. Macem-maceme paugeran (aturan) tembang macapat yaiku…

a. Guru lagu, guru wilangan, guru gatra

b. Guru lagu, guru wilangan, guru swara

c. Guru gatra, guru wilangan, guru basa

d. Guru wilangan, guru gatra, guru lumaksita

15. Guru wilangan yaiku…

a. Cacahe gatra saben sapada

b. Cacahe swara saben sagatra

c. Cacahe wanda saben sapada

d. Cacahe wanda saben sagatra

16.  Kinanthi

Marang anak lan putuku,

Sinaua sing taberi,

Ngurmati ibu lan bapa,

Ndonga ngibadah tan lali,

Dadya tunasing nagara,

Jer iku laku utami.

Guru gatra tembang kasebut, yaiku...

a. 5

b. 7

c. 6

d. 8

17. Kinanthi

Marang anak lan putuku,

Sinaua sing taberi,

Ngurmati ibu lan bapa,

Ndonga ngibadah tan lali,

Dadya tunasing nagara,

Jer iku laku utami.

Guru lagu lan guru wilangane, yaiku...

a. 8u, 8i, 8a, 8a, 8i, 8a

b. 8u, 8i, 8a, 8i, 8a, 8i

c. 8u, 8i, 8a, 7i, 8a, 7i

d. 7u, 8i, 8a, 7i, 8a, 8i

18. Pitutur sing jangkep ing tembang kasebut yaiku...

a. Kita kudu sinau sing taberi

b.Kita kudu ngurmati wong tuwa

c. Kita kudu ndonga lan ngibadhah

d. Kta kudu sinau, ngurmati wong tuwa, ndonga lan ngibadhah

19. Ing ngisor iki kang kalebu jenise tembang macapat sing bener, yaiku...

a. Gambuh, Kinanthi,Prau layar

b. Pocung, Sinom, Gambang suling

c. Gambang suling, Ilir-ilir, Prau layar

d. Pocung, Gambuh, Dhandhanggula

20. Kidang Talun, kalebu jenise tembang...

a,. Macapat

b. Dolanan

c. Pop jawa

d. Campur sari

21. Supaya gampang nembang sekar macapat dibutuhake cakepan tembang. Cakepan tembang yaiku….

a. notasi vocal

b. syair tembang

c. jinising tembang

d. metrum tembang

22. “Nelangsa, ngeres-eresi, sedih” lan “mahyaaken raos panalangsa”, iku kalebu watak lan gunane tembang….

a. Mijil

b. Durma

c. Sinom

d. Maskumambang

23. Salah siji watak tembang macapat “pangkur” ing ngisor iki kangbener yaiku….

a. keras, nepsu, semangat

b. luwes, gumbira, endah

c. sereng, nepsu, gandrung

d. asih, prihatin, pangajab

24.. Salah siji gunane tembang macapat “durma” ing ngisor iki yaiku….

a. mituturi, pratelan tresna

b. mahyaaken raos panalangsa

c. piwulang, wewarah

d. nggambaraken tiyang nepsu, perang

25. Pangkur

Mingkar mingkuring angkara

Akarana karenan mardi siwi

Sinawung resmining kidung

Sinuba sinukarta

Mrih kretarta pakartining ngelmu luhung

Kang tumrap ing tanah Jawa

Agama ageming aji

Guru lagu lan guru wilangane, yaiku...

a. 8i, 11i, 8u, 7a, 12u, 8a, 8i

b. 8a, 11i, 8u, 7a, 12u, 8a, 8i

c. 8u, 11u, 8a, 7a, 12u, 8a, 8i

d. 8a, 11i, 8u, 7a, 10u, 8a, 8i

Read More

Materi Teges lan Titikane Drama Modern Jawa (Bedane karo Drama Tradhisional)

Para siswa kang kinasih, sawise sampeyan nyinaoni bab drama tradhisional ing semester ganjil, ing semester ganep sampeyan bakal sinau ngenani drama modern.

Drama ing basa Jawa uga diarani Sandhiwara, yaiku saka tembung sandhi kang tegese nyingitake/nyamarake lan wara kang tegese ajawan/wewarah. Dadi tegese sandhiwara yaiku ajaran utawa wewarah kang disingitake utawa disamarake sajrone crita, watak paraga lan cecaturane para paraga.

Drama utawa sandhiwara ora mung kanggo TONTONAN nanging uga kanggo TUNTUNAN kanggo para penonton. Mula sajrone drama mesthi ana amanat utawa nilai-nilai kang bisa dituladha lan isih laras utawa relevan karo kahanan jaman saiki.

Jinise drama yen diperang miturut teknik garapane dadi loro yaiku, drama Tradhisional lan Drama Modern.

Titikaken drama modern kang mbedakake karo drama tradhisional yaiki :

Drama Tradhisinoal

1. Ora nggunakake naskah, cecaturane para paraga dadakan (improvisasi). Tuladha Ludruk lan Kethoprak.
2. Isine nyritakae jaman perjuangan lan jaman kerajaan (istanasentris)
3. Diiringi nggunakake musik tradhisional (gamelan)
4. Busana kang digunakake laras karo isine crita yaiku perjuangan utawa kerajaan.
5. Setting lan tata panggung prasaja kaya jaman biyen.

Drama Modern

1. Kudu nggunakake naskah drama. Cecaturane paraga kudu padha karo naskah. Tuladha : Teater, Drama kreasi.
2. Isine nyritakake panguripan masyarakat aman saiki.
3. Diiringi nggunakake musik kontemporer (campuran tradhisional lan modern)
4. Busana kang digunakake salumrahe busana jaman saiki.
5. Setting lan tata panggung luwih megah lan modern.

Supaya luwih cetha lan gamblang andharan ngenani bedane drama modern lan drama tradhisional, bisa disemak ing vidheo youtube ing ngisor iki,

Read More

GLADHEN SOAL BASA JAWA PENILAIAN AKHIR SEMESTER (PAS) GENAP KELAS 9

GLADHEN SOAL BASA JAWA PENILAIAN AKHIR SEMESTER (PAS) GENAP KELAS 9

Wacanen kanthi patitis pitakon-pitakon ing ngisor iki, banjur wangsulana kanthi milih salah siji wangsulan sing paling bener !

1. Drama sing lumrahe (umume) nyritakake ngeneni crita uripe manungsa saben dina, kalebu drama

a. Opera

b. Drama tradisional

c. Drama modern

d. Drama kontemporer

2. Pesen utawa nilai moral sing disampekake marang pamiarsa drama, kalebu struktur teks drama..

a. Koda

b. Resolusi

c. Orientasi

d. Komplikasi

3. Para paraga dikenalake watake, uga pandapuke ing drama, kalebu struktur teks drama :

a. Koda

b. Resolusi

c. Orientasi

d. Komplikasi

4. Para paraga nemokake cara kanggo grampungi masalah, kalebu struktur teks drama :

a. Koda

b. Resolusi

c. Orientasi

d. Komplikasi

5. Para paraga diadhepake ing prakara(konflik) nganti klimak, kalebu struktur teks drama :

a. Koda

b. Resolusi

c. Orientasi

d. Komplikasi

6. Urutan kadadean kang dilakoni paraga saka babak wiwitan nganti pungkasan diarani :

a. Tema

b. Latar/setting

c. Alur

d. Amanat

7. Masalah kang wigati (utama) kang dadi sumber utawa dasare crita diarani :

a. Tema

b. Latar/setting

c. Alur

d. Amanat

8. Narasi kang dadi panutupe pementasan drama diarani :

a. Dialog

b. Monolog

c. Prolog

d. Epilog

9. Narasi kang dadi pambukane pementasan drama diarani :

a. Dialog

b. Monolog

c. Prolog

d. Epilog

10. Alur drama sing kadadean urut saka wiwitan nganti pungkasan diarani ...

a. alur maju

b. alur mundur

c. alur campuran

d. alur maju mundur

11. Narasi kang ana ing ngarep drama (sadurunge paraga omong-omongan) diarani...

a. dialog

b. prolog

c. epilog

d. monolog

12. Pesen moral kang disampekake penulis drama kanggo penonton iku diarani….

a. tema

b. alur

c. watak

d. amanat

13. Paraga kang nduweni watak apik lan disenengi penonton iku diarani paraga….

a. antagonis

b. protagonis

c. tritagonis

d. utama

14. Wong sing nindakake salah sawijining paraga ing drama diarani :

a. Acting

b. Aktor

c. Sutradara

d. Casting

15. Gegambarane sifat utawa watak paraga ing sajrone drama diarani :

a. Actor

b. Karakter

c. Blocking

d. Figuran

16. Panggonan lan wektu dumadine drama diarani :

a. Casting

b. Setting

c. Blocking

d. Figuran

17. Paraga drama nalika guneman ijen ing panggung diarani :

a. Dialog

b. Prolog

c. Epilog

d. Monolog

18. Jeneng kegiyatan, wektu, rantaman acara kalebu perangan struktur teks pelapuran sing diarani :

a. Panutup

b. Isi

c. Dhudhutan

d. Purwaka

19. Ngandharake menewa acara wis kaleksanan lan pangajab saka diadhakake kegiyatan kalebu perangan saka struktur teks pelapuran sing diarani :

a. Panutup

b. Isi

c. Dhudhutan

d. Purwaka

20. Ukara camboran sing kedadeyan saka ukara lamba sing diraketake, kanthi ngilangi gatra / tembung sing padha dijupuk salah siji diarani :

a. Ukara camboran sejajar

b. Ukara camboran raketan

c. Ukara camboran susun

d. Ukara camboran tumpuk

21. Budhe diaturi unjukan banjur diaturi dhahar. Ukara kasebut diarani :

a. Ukara camboran sejajar

b. Ukara camboran raketan

c. Ukara camboran susun

d. Ukara camboran tumpuk

22. Dhani anake wong sugih, ananging watake andhap ashor. Ukara kasebut diarani :

a. Ukara camboran sejajar

b. Ukara camboran raketan

c. Ukara camboran susun

d. Ukara sambawa

23. "...................

Prajurit : “Gusti, dalem namung nindakaken titahipun Sang Raja. Panjenengan dalem damelaken gubug ingantarane wit-wit gedhe .Banjur gaman menika kula jledrehi getihe marmut. Supados Sang Ratu pertados bilih Panjenengan sampun kula pejahi.”

Ratu : “Yen mengkana, dak terima baktimu. Aku ora bakal nglalekake budi lan jasamu.”

Setting panggonan ana ing cuplikan drama kasebut yaiku … ."

a. ing pinggiring kutha

b. ing tengah alas

c. ing keraton

d. ing desa

24. Jaka Tarub : “Ealah, aku tak ngaso ana kene dhisik. Rasane sikil wis kesel kabeh. Wiwit mau mlaku turut alas, golek kewan ora ketemu-ketemu. ” Gremenge (nggremeng dhewe) Jaka Tarub karo leyehan.

Saka cuplikan pacelathon sing ditindakake Jaka Tarub kuwi kalebu jenise .....

a. dialog

b. monolog

c. epilog

d. Prolog

25. Kang kalebu ukara camboran sejajar, yaiku … .

a. Adhi lagi dolanan, bapak ngunjuk kopi, dene kangmas sinau basa Jawa.

b. Para siswa anyar seneng atine, nalika adicara persami.

c. Pak guru mboten siyos tindak amargi gerah waja. 

d. Karjo adus banjur budhal sekolah.

Read More

LATIHAN SOAL BAHASA INDONESIA : PUISI RAKYAT

SEMANGAT BELAJAR..!!

Untuk para siswa kelas VII, setelah kalian memelajari tentang materi pembelajaran bahasa Indonesia yaitu puisi rakyat, silahkah kalian mengerjakan latohan soal di bawah ini untuk menguji pemahaman kalian tentang materi puisi rakyat.

Token :PUISIRAKYAT01

Untuk mengetahui hasil/nilai, silahkan melihat tabel di bawah ini :

Read More

Tugas 1 (Kelas VIII) : Materi Teges lan Jinise Layang

 Bocah-bocah kelas VIII kang kinasih, Sawise sampeyan kabeh sinau ngenani tegese layang lan jinis-jinise layang, saiki coba garapen gladhen / Soal ing ngisor iki minangka tugas.

Sadurungen nggarap bisa diwaca dhisik materi Layang sing ana ing postingan blog iki lan materi layang sing ana ing buku paket Basa Jawa.

Tugas 1 : Materi teges lan jinise layang.

Sawise nggarap tugas/soal ing ndhuwur, golekana jenengmu ing tabel ngisor iki. Yen jenengmu wis ana ing tabel tegese sampeyan wis kasil nggarap tugas.

SUGENG MAKARYA...

TETEKEN TEKUN BAKALE KATEKAN

SAPA TEMEN BAKAL TINEMU...

Read More

Tugas 1 (Kelas IX) : Teges lan Titikane Drama/Sandiwara Modern Jawa.

Bocah-bocah kelas IX kang kinasih, mesthine sampeytan kabeh wis pernah nonton pagelaran drama. Drama ing tlatah Jaswa uga kasebut sandhiwara kang tegese ajaran/piwulang kang disingitake ing sajrone cecaturan/ dialog, watak paraga, tingkah laku paraga lan isine crita. Sawise sampeyan kabeh nyinaoni ngenani drama modern basa Jawa. Coba saiki digarap gladhen utawa tugas ing ngisor iki kanthi patitis :

Tugas 1 : Drama Modern

Sawise nggarap, coba golekana jenengmu ing tabel ngisor iki! Yen jenengmu ana, tegese sampeyan wis kasil nggarap.

SUGENG MAKARYA..

TETEKEN TEKUN BAKALE KATEKAN..

SAPA TEMEN BAKAL TINEMU...

Read More