Materi Aksara Rekan lan Angka Jawa

Para siswa kang kinasih, sajrone sinau basa Jawa ora bisa dipisahahe saka aksara Jawa.

Aksara Jawa cacahe ana 20, saben aksara duweni pasangan dhewe-dhewe.

Saliyane aksara Jawa legena kang cacahe 20, uga ana aksara Murda kang cacahe 8, aksara swara, aksara rekan lan aksara angka.

Pasinaon iki mligi bakal nyinaoni aksara Rekan lan Aksara Angka / Angka Jawa.

Apa ta sing diarani aksara rekan?

Aksara rekan yaiku aksara kang direka kanggo nandhani huruf sing asale saka basa manca, utamane basa arab. Huruf kasebut diciptakake krana abjad utawa aksara jawa sing cacahe 20 (dentawyanjana) mau durung nyukupi. Dene wujud aksara rekan yaiku rupa aksara jawa, nanging ing dhuwure diwenehi tandha cecak cacah telu.

Apa sing diarani aksara angka utawa angka Jawa?

Angka Jawa iku wujude uga aksara Jawa. Supaya ora mbingungake, kanggo nulis angka Jawa dipisahake kanthi pada pangkat (;). Tumrap angka Jawa kang manggon ing tengahe ukara diapit nganggo pada pangkat (;).

Supaya luwih jelas lan gamblang ayo padha disinaoni materi ing ngisor iki sing bakal ngrembug aksara rekan lan aksara angka.

video pembelajaran aksara rekan lan angka Jawa

Materi lan Gladhen Aksara rekan lan Angka Jawa.