Teks Do'a Bahasa Jawa "Umbul Donga Miwiti lan Mungkasi Pasinaon Basa Jawa"

Berdoa adalah hal yang positif ketika akan memulai suatu kegiatan dan mengahkiri suatu kegiatan. Apalagi dalam proses pembelajaran Berdoa merupakan rutinitas wajib yang harus dilaksanakan sebelum dan sesudah proses pembelajaran.

Oleh karena itu berikut saya lampirkan teks doa bahasa Jawa "Umbul donga miwiti lan mungkasi pasinaon basa Jawa".

UMBUL DONGA MIWITI PASINAON

- Para kanca, Nyuwun kawigatosanipun! 

Saderengipun pasinaon Basa Jawi dipunwiwiti, sumangga kita sami ndonga sesarengan. 

- Manungku puja, kawiwitan! 

Bismillahirrohmanirrohim, Alhamdulillahirobbil’alamin.. 

Klawan nyebut asmanipun Gusti Allah ingkang mahaAgung, kanthi temen kula nyuwun wonten ngarsa Panjenengan. Dhuh Gusti, mugya Panjenengan paring pangapunten dhumateng sedaya dosa lan kalepatan kula, dosa lan kalepatan Bapak Ibu kula, dosa lan kalepatan Bapak lan ibu guru kula, lan kanca-kanca kula. Sejatosipun namung Panjenengan ingkang maha ngapunten sedaya dosa lan kalepatan makhluk Panjenengan. 

Dhuh Gusti ingkang maha wasis, paringana kelancaran anggen kula sinau pelajaran Basa Jawi menika. Paringana gampil anggen kula mahami materi pasinaon Basa Jawi menika. Supados ngelmunipun saged migunani tumrap kula lan kanca-kanca kula sarta saged kula amalaken ing saben dintenipun. 

Dhuh Gusti ingkang maha welas asih, paringana kula lan kanca-kanca tata krama lan sopan santun ingkang sae. Tebihaken kula lan kanca-kanca kula saking musibah. Sejatosipun namung dhumateng ngarsa Panjenengan kula manembah lan namung dhumateng ngarsa panjenengan kula nyuwun pitulungan. 

Dhuh Gusti, boten wonten daya lan kekuwatan menika mawujud kejawi namung saking pitulungan Panjenengan. Dhuh Gusti, mugya panjenengan sembadani lan ijabahi sedaya donga lan panyuwunan kula. 

Robbanaa aatinaa fiddunya hasanah...........dst. 

Walhamdulillahirobbil ‘alamiin. 

- Manungu puja Purna! 

UMBUL DONGA MUNGKASI PASINAON

- Para kanca, nyuwun kawigatosanipun....! 

Saderengipun pasinaon dinten menika dipunpungkasi, sumangga sami ndonga sesarengan..! 

- Manungku Puja, kawiwitan! 

Bismillahirrohmanirahim,Alahamdulillahirobbil’alamin.. 

Klawan nyebut asmanipun Gusti Allah ingkang maha Agung lan maha ngijabahi sedaya panyuwunan. Dhuh Gusti, kula temen-temen nyuwun dhateng ngarsa Panjenengan. Mugya Panjenengan paring pangapunten dhumateng dosa lan kalepatan kula, bapak lan ibu kula, bapak lan ibu guru kula lan ugi kanca-kanca kula. Amargi namung panjenengan ingkang maha mangapura sedaya dosa lan kalepatan makhluk Panjenengan. 

Dhuh Gusti ingkang maha welas asih, mug-mugi menapa ingkang kula lan kanca-kanca sinaoni ing dinten menika, sageda migunani tumrap kula lan kanca-kanca kula. Paringana kula ngelmu ingkang manfaat, barokah lan saged kula amalaken kanthi niyat ngibadah wonten ngarsa Panjenengan. Namung Panjenengan Dhuh Gusti ingkang ingkang maha kuwasa lan maha wicaksana. 

Dhuh Gusti ingkang maha welas asih ingdalem donya lan akherat, sejatosipun namung dhumateng ngarsa Panjenengan kula manembah lan namung dhumateng ngarsa Panjenengan kula nyuwun pitulungan. Boten wonten daya lan kekuwatan menika mawujud, kejawi sedaya menika saking pitulungan panjenengan. 

Dhuh Gusti Pengeran, mugya panjenangan sembadani sedaya donga lan panyuwunan kula. 

Robbanaa atina fiddunya hasanah.....dst. 

Aamiin, ya robbal alaamin.. Manungku Puja Purna!